Ar gyfer y Gymraeg gweler y bar llywio ar waelod y dudalen
Beth yw CSA?
Rydym yn mabwysiadu model Amaethyddiaeth â Chymorth y Gymuned i ddosbarthu'r cynnyrch rydym yn ei dyfu. Rydym yn pryderu pa mor fregus yw'r systemau bwyd byd-eang presennol ac rydym yn credu bod CSA yn un ffordd y gallwn ymateb i hyn. Mae CSA yn ail-gysylltu cymunedau â'r bwyd maent yn ei fwyta, tra'n cefnogi'r bobl sy'n tyfu'r bwyd hwnnw.
Mae CSA yn amrywio o ran eu manylion ond mae ein un ni yn ceisio gwahodd cwsmeriaid i ymuno fel 'aelod' o CSA Tir Awen am y tymor ac ymrwymo i brynu cynnyrch wythnosol... a elwir yn 'gyfran llysiau' wythnosol. Mae hyn yn golygu y gallwn ni fel tyfwyr gynllunio, plannu, tyfu a chynaeafu'r hyn sydd ei angen i lenwi ein bocsys wythnosol gan wybod y bydd yn cael ei werthu a'i fwyta. Mae hyn nid yn unig yn lleihau gwastraff bwyd ond yn adeiladu sylfaen gadarn o gefnogaeth o'n cwmpas fel tyfwyr i ganolbwyntio ein hamser yn effeithiol ar wneud yr hyn rydym yn ei wneud orau... tyfu a dosbarthu llysiau maethlon ffres i'ch drws.
Yn gyfnewid, fe'ch gwahoddir fel ein haelodau i gysylltu â'r tir, sut mae’ch bwyd yn cael ei dyfu a chymuned ehangach o bobl.
Manteision eich aelodaeth CSA:
- 'Cyfran’ wythnosol o'n cynhaeaf sy'n fwyd maethlon ffres a dyfir yn lleol gan ddefnyddio egwyddorion organig heb gemegau neu blaladdwyr
- Pris is yr wythnos am eich blwch llysiau
- Lleihau deunydd pacio gwastraff a phlastig, byddwn yn ymdrechu i leihau pecynnu a defnyddio opsiynau amldro a di-blastig pryd bynnag y gallwn
- Opsiwn i dalu am eich cyfran ymlaen llaw neu mewn rhandaliadau.
- Cylchlythyr wythnosol yn rhannu'r digwyddiadau tymhorol diweddaraf yng ngardd y farchnad
- Dyfle i fod yn rhan o grŵp whats app 'coginio Tir Awen’ i rannu syniadau, awgrymiadau a ryseitiau ar gyfer yr eitemau bocs llysiau diweddaraf
- Dod i adnabod y bobl sy'n tyfu’ch bwyd, sut maent yn ei dyfu a'r tir mae'n tyfu arno.
- Cefnogi menter leol, gynaliadwy sy'n cael ei rhedeg gan deulu
- Cyfleoedd gwirfoddoli drwy gydol y flwyddyn
- Gan ymuno â Chymuned Tir Awen, fe’ch gwahoddir i gynulliadau tymhorol a chyfle i weithio gydag eraill yn Nhir Awen.